6 ձայն

Ամալ և Ջորջ Քլունիները շատ ժամանակ են հատկացնում բարեգործությանը, հումանիտար խնդիրներին, մարդու իրավունքների պաշտպանությանը: Այս շաբաթ նրանք արդեն ներկա էին Բուքինգհեմյան պալատի հանդիսավոր ընթրիքին, որը  արքայազն Չարլզի կողմից հիմնած Prince’s Trust հիմնադրամին էր նվիրված, իսկ երեկ նրանք Էդինբուրգում մեկ այլ բարեգործական գալա-ընթրիքին էին:

Շոտլանդիայի մայրաքաղաքում տեղի ունեցավ ամենամյա People’s Postcode Lottery Charity Gala միջոցառումը: Նրա հիմնադիրները բարձր գնահատեցին Քլունիների կողմից հիմնած Clooney Foundation for Justice կազմակերպության գործունեությունը: Քլունի զույգը երեկոյի ընթացքում պարգևի արժանացավ միջազգային մակարդակով հումանիտար գործունեության համար:

Կարմիր գորգին Ամալ և Ջորջ Քլունիները ներկայացան ձեռք ձեռքի բռնած: Ամալ Քլունին, ինչպես միշտ, էլեգանտ տեսք ուներ: Նա կրում էր Stella McCartney-ից մուգ կապույտ կոմբինիզոն,  Christian Louboutin-ից բարձրակրունկներ, կերպարը լրացնում էր վագրային պրինտով կլատչը:

  

1 ձայն

Վերջին շրջանում Իսպանիայի թագուհի Լետիցիան հանրությանը ներկայանում էր ավելի հանգիստ, զուսպ կերպարներում: Երեկ Իսպանիայի առաջին տիկինը Պերուի նախագահի և իր տիկնոջ հետ այցելել է ARCO-2019 ցուցահանդես, որտեղ ներկայացված են ժամանակակից արվեստի եզակի նմուշներ: 46-ամյա թագուհին բավականին համարձակ կերպար է ընտրել. կաշվե սև շոր համարձակ բացվածքներով &Other Stories-ից, նյուդային բարձրակրունկներ Prada-ից և կաշվե կլատչ Uterque-ից: Շատերին գրավել է նաև թագուհու սանրվածքը. բարձր հավաքած մազեր այս սեզոն շատ նորաձև բանտով. կարծում ենք թագուհու այս կերպարը երկար կհիշվի:

6 ձայն

Լոնդոնյան  Royal Albert Hall -ում տեղի է ունեցել  BAFTA-2019 մրցանակաբաշխությունը, որում մրցանակներ են ստանում տարվա լավագույն ֆիլմերն՝ ըստ բրիտանական կինոակադեմիայի:

Մրցանակաբաշխությանը ներկա է եղել նաև Անգլիայի արքայական զույգը՝ Քեյթ Միդլթոնն ու արքայազն Ուիլյամսը: Քեյթը ներկայացել է Alexander McQueen-ի ձյունաճերմակ զգեստով: