Ինչպես առցանց սպասարկման միջոցով զարգացնել նորաձևության բիզնեսը. Օգտակար խորհուրդներ

Cropped image of woman inputting card information and key on phone or laptop while shopping online.

Wnews.am-ի  Petoor Insider նոր բաժնում հայկական  Petoor ապրանքանիշը յուրաքանչյուր շաբաթ պատմում է նորաձևության ոլորտի մասին՝ մասնագիտական տեսանկյունից։ Այս անգամ Petoor-ի թիմը պատմում է  նորաձևության բիզնեսն առցանց սպասարկման միջոցով  զարգացնելու մասին։ 

«Որպես ձեռնարկություն Ձեր նպատակն է մատուցել այնպիսի ծառայություն, որը ոչ միայն լավագույնն է, այլև լեգենդար» Սեմ Ուոլթոն, Ուոլմարտի հիմնադիր:

 

Հաճախորդների գերազանց սպասարկումը և նրանց հետ երկարատև հարաբերությունների հաստատումը բիզնեսի զարգացման կարևոր նախադրյալներից են: 

 

10 հաճախորդից 7-ը պնդում է, որ նրանք պատրաստ են վճարել ավելի շատ գումար մեկ այլ ընկերությանը, որը իրենց կմատուցի ավելի լավ ծառայություն: 

Լավագույն սպասարկումն, այսօր Հայաստանում կարևոր մրցակցային առավելություն կարող է հանդիսանալ բոլոր ոլորտներում` հատկապես նարաձևության բիզնեսների համար: 

 

Ներկայացնում ենք  հաճախորդների առցանց սպասարկման վերաբերյալ մի քանի խորհուրդ հաճախորդների համար բրենդի հետ առընչությունը և փորձառությունը ավելի լավ դարձնելու համար:

Կատարե’ք Ձեր տված խոստումները
Եթե ցանկանում եք կառուցել երկարատև հարաբերություններ հաճախորդների հետ, բավարարեք նրանց պահանջները և կատարեք Ձեր տված խոստումները`  հնարավորությունների առավելագույն չափով, կամ խոստացեք ավելի քիչ, քան կարող եք. հաճախորդը երկու դեպքում էլ կլինի գոհ: 

 

Երբեք մի’ խոստացեք ավելին, քան կարող եք:

 

Եթե դուք լինեք հետևողական Ձեր առաջարկած ծառայության և պրոդուկտի որակի հարցում Ձեր հաճախորդները չեն հեռանա: Մշտապես հետևեք, որպեսզի պատվերները առաքվեն նշված ժամկետների սահմաններում: եթե վաճառում եք առցանց խանութում, հարկավոր է ուշադրություն դարձնել վճարումների անվտանգ իրականացմանը: Անհատականացված պատվերների դեպքում եղեք անկեղծ և խոստացեք այն, ինչը իսկապես կարող եք իրականացնել 101%-ով: 

 

Ամերիկյան ձեռնարկությունները վատ սպասարկման պատճառով տարեկան կորցնում են 62 միլիոն դոլար:

 

Տրամադրեք մանրամասն տեղեկատվություն

Առցանց խանութի դեպքում հարկավոր է ուշադրություն դարձնել հաճախորդամետ (User-Friendly) ինտերֆեյսին: Ապրանքները դասակարգեք այնպես, որպեսզի առցանց գնորդները կարողանան հեշտությամբ գտնել իրենց համար ցանկալի ապրանքը: Եթե առաջարկում եք տարբեր տեսակի ապրանքներ, նշեք դրանք համապատասխան բաժինների ներքո և մանրամասն տեղեկություններ տրամադրեք` հաճախորդներին օգնելու կայացնել գնման որոշում: Յուրաքանչյուր պրոդուկտ  պետք է ունենա մանրամասն նկարագիր. հագուստի դեպքում դրա որակի, դետալների, և այլ յուրահատկությունների մասին: Այն նաև կօգնի հաճախորդներին համեմատելու գներն ու առանձնահատկությունները: 

Նոր հաճախորդներ ձեռք բերելը բիզնեսի համար արժենում է 5-25 անգամ ավելի թանկ, քան հն հաճախորդներին պահելը:

Հաղորդակցվեք հաճախորդների հետ

2020թ.-ի մարքեթինգի գլխավոր միտումներից մեկը թափանցիկությունն է: Եղեք հաղորդակցվող, շփվեք նրանց հետ անձամբ: 

Ցանկալի է, որ խնդրահարույց հաճախորդների և առանձնահատուկ դեպքերի ժամանակ անձամբ կապ հաստատեք հաճախորդի հետ: 

Ցանկացած պարագայում հաճախորդը ավելի բացասաբար կարող է արձագանքել, երբ չգիտի, թե ով է շփվում իր հետ: Այս դեպքում , դուք կարող եք նարկայանալ, որպես խնդրին առընչվող բաժնի ղեկավար, ավագ մասնագետ, մենեջեր և հարցը տեղափոխել մարդկային շփումների դաշտ, իսկ խնդրի բարդացման փոխարեն դուք կշահեք վստահություն և միգուցե, այն նույն դժգոհ հաճախորդը դառնա լոյալ և նույնիսկ խորհուրդ տա Ձեզ:

Մեկնաբանություններ և կարծիքներ

Ցույց տվե’ք Ձեր հաճախորդներին, որ իրենց կարծիքը կարևոր է` նրանց հնարավորություն տալով կարծիքներ տեղադրել: Բացասական մեկնաբանություն ստացող ապրանքները պետք է գնահատվեն, և անհրաժեշտ փոփոխություններ կատարվեն՝ հաշվի առնելով հաճախորդի կարծիքը: 

Պարբերաբար խնդրեք հաճախորդների հետադարձ կապ պահպանել և խելացի կերպով օգտագործեք այն Ձեր ծառայության որակը բարելավելու համար: 

Օրինակ` առաքումից հետո, սոցիալական հարթակներում, կամ եթե ունեք հաճախորդների հետ կապի այլ միջոց, անպայման կապ հաստատեք: հարցրեք` արդյո՞ք հավանել է թե՞ ոչ, և խրախուսեք թողնել մեկնաբանություն: Ձեռնարկե’ք գործողություններ հաճախակի քննադատված ծառայության խնդիրների վերաբերյալ: 

 

Հիշե’ք որ, Ձեր դժգոհ հաճախորդները ՍԻՐՈՒՄ են Ձեզ և Ձեր բրենդը: Չէ՞, որ հենց նրանց կարծիքի շնորհիվ, դուք շտկել եք թերացումները:

Առաջացրե’ք հետաքրքրություն

Հաճախորդները մշտապես փնտրում են նորություն: Նրանք սպասում են հատուկ առաջարկի, որպեսզի կատարեն գործողություն` գնում, այցելություն դեպի կայք: Առցանց խանութի դեպքում դուք կարող եք առաջարկել մեկ անգամյա պրոմո կոդեր, օրվա առաջարկ, սահմանափակ առաջարկ (Limited offer), հատուկ փաթեթներ: Սա կարող եք անել նրանց տվյալները Ձեր բազայում պահելով: Օրինակ` հեռախոսահամար, էլ. Հասցե, նամակ, սոցիալական էջեր: 

Մի’ վաճառեք: Հաճույք ստացել երկկողմանի շփումից

Մարդիկ չեն սիրում, երբ նրանց վաճառում են, այլ նրանք գնում են կատարում իրենց համար վստահելի վաճառքի մենեջերից, կամ սպասարկող մասնագետից: Եղե’ք ոլորտային էքսպերտ, օգնեք նրանց իրենց տեսքը ավելի լավը դարձնել, լինել ավելի ոճային, գրավիչ, կանացի, և անկեղծորեն ուրախացեք նրանց համար: Ձեր նպատակը, որպես նորաձևության բրենդ, պետք է լինի գեղեցկություն և ինքնավստահություն նվիրելը: Արժեքները թող լինեն Ձեր սպասարկման հիմքում, և կտեսնեք, թե ինչպիսի ամուր հիմքերի վրա է զարգանում Ձեր բիզնեսը:

Օնլայն չաթեր. Պատասխանե’ք մեկ րոպե շուտ

Վեբկայքում հաղորդակցման լավագույն միջոցը կենդանի չաթ ունենալն է: Այս գործիքը կարող եք օգտագործել արագ արձագանքման, տեղեկատվության տարածման, նոր ծառայության, ապրանքի վերաբերյալ, կարծիքների և հատուկ առաջարկների համար: 

Սոցիալական ցանցերում օպերատիվությունը նույնպես կարևոր է: 

Պատկերացրե’ք, որ պատասխանելով ժամանակից ուշ, պոտենցիալ հաճախորդից ստացվող գումարը նետում եք աղբարկղ: 

Չէ՞, որ, նա գրելու պահին հնարավոր է Ձեր խանութի մոտակայքում է, և հասցեն է ճշտում,  կամ էլ` պատրաստվում է պատվիրել, սակայն ստիպված այլ խանութ է ընտրում: 

Հիշեք որ, 

Առցանց խանութների պահանջարկը գնալով մեծանում է: Մարդկանց պահանջների փոփոխությունը, ժամանակի արդյունավետ օգտագործումը, արագություն ու հարմարացետությունը, ցանկացած վայրից, ցանկացած պահի գնումներ կատարելու հնարավորությունը մեծացնում է առցանց խանութների պահանջարկը: Աշխարհում Կան մոտավորապես 12 միլիոն – 24 միլիոն առցանց առևտրային կայքեր ամբողջ աշխարհում, ընդ որում ՝ դրանց թիվն օրեցօր աճում է: Եթե այս թվերը ձեզ ստիպեն մտածել, որ դա մրցակցային շուկա է, մի անհանգստացեք: Այս կայքերից մոտավորապես 1 միլիոնի վաճառքը գերազանցում է տարեկան 1000 ԱՄՆ դոլարը: 

Petoor-ի մարքեթինգի ղեկավար Գայանե Մելքումյան

ՁԵԶ ԿՀԵՏԱՔՐՔՐԻ ՆԱԵՎ

Մեկնաբանություններ

Loading Facebook Comments ...